Իրանը, որպես Միջուկային զենքի չտարածման մասին պայմանագրի կողմ, ունի խաղաղ նպատակներով ուրանը հարստացնելու անօտարելի իրավունք, հայտարարել է Ռուսաստանի արտաքին գործերի նախարար Սերգեյ Լավրովը։
«Ոչ ոք երբեք չի վիճարկել ուրանի հարստացման անօտարելի իրավունքը որպես սկզբունք, որը վերաբերում է բոլոր երկրներին առանց բացառության, որոնք միջուկային զենքի չտարածման մասին պայմանագրի կողմեր են։ Մենք միշտ ելել ենք այն նախադրյալից, որ պետք է փնտրել կարգավորում քաղաքական և դիվանագիտական մեթոդներով՝ հիմնվելով յուրաքանչյուր պետության, այդ թվում՝ Իրանի միջազգային իրավունքին համապատասխան օրինական անօտարելի իրավունքների վրա», – ասել է նախարարը մամուլի ասուլիսում։