«Հանրային վերահսկողություն» հասարակական կազմակերպությունը Քննչական կոմիտեի դիմաց բողոքի ակցիա է իրականացնում՝ ներդրումային խարդախություններից և կիբերհանցագործություններից տուժած քաղաքացիների իրավունքների պաշտպանության հարցով:
Չնայած իրավապահ մարմինների հետ կայացած հանդիպումներին, տուժած քաղաքացիների ֆինանսական իրավունքների լիարժեք վերականգնումը մինչ այժմ չի ապահովվել։ Տասնյակ և հարյուրավոր քաղաքացիներ շարունակում են մնալ առանց փոխհատուցման, իսկ համակարգային լուծումները դեռևս չեն կիրառվել։
Ակցիայի նպատակն է բարձրաձայնել պետական պատասխանատվության հարցը և պահանջել՝
– պատճառված վնասների փոխհատուցման հստակ մեխանիզմներ,
– գործնական և չափելի լուծումներ,
– քաղաքացիների ֆինանսական իրավունքների լիարժեք պաշտպանություն։