Իսլամական հեղափոխության պահապանների կորպուսը հայտարարել է, որ Գերագույն առաջնորդի և այլ բարձրաստիճան պաշտոնյաների վերջին սպանությունները «չեն սասանել (Իրանը), այլ, ընդհակառակն, ավելի ուժեղ են դարձրել», հաղորդում է IRIB պետական լրատվական գործակալությունը։
ԻՀՊԿ-ն նշել է, որ Իրանը կշարունակի պայքարել այնքան ժամանակ, «մինչև թշնամին պարտություն կկրի»։
«Թշնամին պետք է հասկանա. նրա երջանիկ օրերն ավարտվել են, և այն աշխարհի ոչ մի անկյունում այլևս անվտանգ չի լինի, նույնիսկ իր հայրենիքում»,- ասված է Իսլամական հեղափոխության պահապանների կորպուսի հայտարարության մեջ։