Հայաստանի քաղաքացիները Ռուսաստան կարող են մուտք գործել միայն անձնագրերով, այդ թվում ՝ դիվանագիտական։ Մյուս փաստաթղթերը հանվել են սահմանը հատելու համար թույլատրելիի ցանկից, հաղորդում է ՏԱՍՍ-ը:
ՌԴ կառավարության հավանությանն է արժանացել 2000 թվականի առանց մուտքի արտոնագրի այցելությունների մասին ռուս-հայկական համաձայնագրում փոփոխությունների նախագիծը: Նշվում է, որ փոփոխությունները համաձայնեցված են Երևանի հետ և ձևակերպվում են նոտաների փոխանակման միջոցով։
Թարմացված ցանկում կմնան Հայաստանի քաղաքացու անձնագիրը, դիվանագիտական անձնագիրը և Հայաստան վերադառնալու վկայականը (միայն Ռուսաստանից մեկնելու համար, օրինակ՝ անձնագրի կորստի դեպքում):
Հայաստանի քաղաքացիները նախկինում Ռուսաստան կարող էին այցելել նաև ծննդյան վկայականով (մինչև 16 տարեկան երեխաների համար), զինծառայողների և իրավապահ մարմինների աշխատակիցների վկայականներով, անձնակազմի անդամի թռիչքային վկայականով և երկաթուղային աշխատողի վկայականով:
2025 թվականից ուժի մեջ են մտել «Ռուսաստանի Դաշնությունում օտարերկրյա քաղաքացիների իրավական կարգավիճակի մասին» օրենքի նոր դրույթները։ Նրանց համաձայն՝ օրինական կարգավիճակ չունեցող օտարերկրացիները ենթակա են արտաքսման։ Ռուսաստանի նախագահի հրամանագիրն ուղղված է անօրինական միգրանտների թվի կրճատմանը և երկրում միգրացիայի նկատմամբ վերահսկողության ուժեղացմանը:
