Իրանի պետական լրատվամիջոցների կողմից Իրանի գերագույն առաջնորդ Ալի Խամենեիի մահվան մասին հայտարարությունից հետո, ըստ արևմտյան լրատվամիջոցների, Թեհրանի և Իրանի այլ քաղաքների բնակիչները դուրս են եկել փողոցներ՝ ինչպես սգալու, այնպես էլ նշելու այաթոլլայի մահը։
AFP-ի թղթակցի փոխանցմամբ՝ հազարավոր սգացողներ՝ ձեռքներին Խամենեիի դիմանկարները, երթ են անցկացրել Իրանի մայրաքաղաքի կենտրոնում։
Իրանական IRNA լրատվական գործակալության օպերատորի կողմից նկարահանված տեսանյութում երևում է, թե ինչպես են Թեհրանի կենտրոնական Էնգելաբ հրապարակում հավաքվել Խամենեիի հիշատակին նվիրված հանրահավաքի մի քանի հազար մարդ։
Նրանց հետ միասին, Իրանի քաղաքների փողոցներում կարելի է տեսնել նաև Խամենեիի կառավարման ավարտը նշողներին, հայտնում է Իրանում տեղի ունեցող իրադարձությունները լուսաբանող New York Times-ի թղթակից Ֆարնազ Ֆասիհին։
Տեսազանգերի ընթացքում Թեհրանի երեք բնակիչներ լրագրողներին ցույց տվեցին, թե ինչպիսին է կյանքն այժմ իրենց թաղամասերում. տղամարդկանց և կանանց մեծ խմբեր պարում, հաղորդում է NYT-ը։