Բահրեյնի իշխանությունները հայտնել են, որ երկրի հակաօդային պաշտպանության ուժերը երկրի օդային տարածքում որսացել են մի քանի հրթիռ, որոնք արձակվել էին Իրանի կողմից։
«Բահրեյնի Թագավորությունը հետ է մղել մի շարք հրթիռներ, որոնք նկատվել էին իր օդային տարածքում։ Հակաօդային պաշտպանության համակարգերը հաջողությամբ կատարել են առաքելությունը»,-«Արմենպրես»-ի հաղորդմամբ՝ ասվում է հայտարարության մեջ։
Իրանի Իսլամական հեղափոխության պահապանների կորպուսն ավելի վաղ հայտարարել էր, որ հարված է հասցրել Բահրեյնում տեղակայված ԱՄՆ ռազմածովային ուժերի հինգերորդ նավատորմի շտաբ-բնակարանին։ Իրանը հայտնել էր նաև Քուվեյթում, Կատարում և ԱՄԷ-ում տեղակայված ԱՄՆ ռազմաբազաներին հարվածներ հասցնելու մասին։ Կատարի պաշտպանության նախարարությունը ևս հայտնել էր Իրանից արձակված մի քանի հրթիռ որսալու մասին։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ: