Եվրահանձնաժողովի նախագահ Ուրսուլա ֆոն դեր Լայենը հայտնել է, որ Իրանում տեղի ունեցող զարգացումները լուրջ մտահոգություն են առաջացնում։
«Մենք շարունակում ենք սերտ կապ պահպանել տարածաշրջանում մեր գործընկերների հետ։
Մենք վերահաստատում ենք տարածաշրջանային անվտանգության և կայունության ապահովման մեր անսասան հանձնառությունը։
Միջուկային անվտանգության ապահովումն ու ցանկացած գործողության կանխումը, որը կարող է հետագա սրել լարվածությունը կամ խաթարել գլոբալ չտարածման ռեժիմը, ունեն վճռորոշ նշանակություն։
Եվրոպական միությունը լայնածավալ պատժամիջոցներ է կիրառել՝ ի պատասխան Իրանի մարդասպան ռեժիմի և Հեղափոխական պահապանների գործողությունների, և հետևողականորեն խթանել է դիվանագիտական ջանքերը՝ ուղղված միջուկային և բալիստիկ ծրագրերի հարցերը բանակցային ճանապարհով լուծելուն։
ԵՄ անդամ պետությունների հետ սերտ համակարգմամբ մենք կձեռնարկենք բոլոր անհրաժեշտ քայլերը, որպեսզի տարածաշրջանում գտնվող ԵՄ քաղաքացիները կարողանան լիովին հույս դնել մեր աջակցության վրա։
Մենք կոչ ենք անում բոլոր կողմերին ցուցաբերել առավելագույն զսպվածություն, պաշտպանել խաղաղ բնակչությանը և լիովին հարգել միջազգային իրավունքը»։