Իրանի արտաքին գործոց նախարար Ապպաս Արաղչի յայտնեց. «Ուաշինկթընի հետ Ժընեւի մէջ բանակցութիւնները վճռակամութեամբ պիտի շարունակենք կարելի եղածին չափ կարճ ժամանակի ընթացքին արդար համաձայնութիւն մը գոյացնելու համար»:
«Հիւլէական զէնք պիտի չզարգացնենք, եւ հիւլէական ճարտարագիտութեան բարիքներէն օգտուելու մեր իրաւունքէն պիտի չհրաժարինք», նշեց իրանեան դիւանագիտութեան պետը:
«Պատմական առիթ մը ունինք հասնելու աննախադէպ համաձայնութեան մը, որ լուծում կը բերէ հասարակաց մտավախութիւններուն եւ հասարակաց շահերը կ՛իրագործէ», ըսաւ ան:
«Ուաշինկթընի հետ համաձայնութիւնը հասանելի է, պայմանով, որ առաջնահերթութիւնը դիւանագիտութեան տրուի», յայտնեց Իրանի արտաքին գործոց նախարարը:
«Մենք պիտի չտատամսինք ընելու ամէն ինչ` մեր գերիշխանութիւնը քաջաբար պաշտպանելու համար», ընդգծեց ան:
«Ժրաջան կերպով պիտի աշխատինք որեւէ տարակարծութեան խաղաղ լուծման հասնելու համար», շեշտեց Արաղչի:
Իրանի նախագահ Մեսուտ Փեզեշքիան յայտնեց. «Իրանի գերագոյն հոգեւոր պետ Ալի Խամենէիի ցուցմունքով աշխատանք տարինք կառավարելու բանակցային հոլովոյթը եւ շրջանցելու «ոչ պատերազմ, ոչ խաղաղութիւն» գրգռիչ իրավիճակը»:
«Իրանի եւ Միացեալ Նահանգներու միջեւ անուղղակի բանակցութիւններուն համար դրական հորիզոններ կը տեսնենք»: