Ժնևում անուղղակի բանակցությունների ընթացքում Իրանը և Միացյալ Նահանգները փոխանակել են գործնական առաջարկներ՝ Իրանի միջուկային ծրագրի շուրջ առկա տարաձայնությունները լուծելու համար, և կան լավ ազդանշաններ:
Այս մասին հայտարարել է Իրանի նախագահ Մասուդ Պեզեշկիանը։
«Իրանը հանձնառու է տարածաշրջանում խաղաղության և կայունության ապահովմանը։ Վերջին բանակցությունները ներառել են գործնական առաջարկների փոխանակում և տվել են խրախուսող ազդանշաններ», – գրել է նա X-ում։
Միևնույն ժամանակ, Պեզեշկիանը ընդգծել է, որ Իրանի իշխանությունները շարունակում են ուշադիր հետևել ԱՄՆ գործողություններին և արել են անհրաժեշտ ամեն ինչ՝ ցանկացած հնարավոր սցենարի լուծման համար: