ՈւԵՖԱ-ի Կոնֆերենցիաների լիգայի անցումային փլեյ-օֆֆ փուլի շրջանակներում Հայաստանի գործող չեմպիոն և գավաթակիր «Նոայի» գրանցած պատմական հաղթանակը նիդերլանդական «ԱԶ Ալկմարի» նկատմամբ արժանացել է միջազգային բարձր գնահատականի։
ՈւԵՖԱ-ի իրականացրած պաշտոնական հարցման և երկրպագուների քվեարկության արդյունքներով՝ հայկական ակումբի ելույթը ճանաչվել է շաբաթվա լավագույնը (Performance of the Week)։
Հաղթանակը ներառվել է շաբաթվա առավել ուշագրավ խաղերի ցանկում և քվեարկության արդյունքում «Նոան» զբաղեցրել է առաջին հորիզոնականը։
Այս ձեռքբերումը կարևոր նշանակություն ունի նաև հայկական ակումբային ֆուտբոլի վարկանիշի բարձրացման տեսանկյունից։