Ներքին գործոց եւ քաղաքապետութիւններու հարցերու նախարար Ահմետ Հաժժար, ներքին գործոց ու քաղաքապետութիւններու հարցերու նախարարութեան պատմութեան մէջ աննախադէպ քայլով մը մեկնարկը տուաւ ներքին գործոց նախարարութեան 2025-2028 տարիներու ռազմավարական ծրագիրին, ինչ որ վարչական աշխատանքի ընթացքը զարգացնելու եւ հաստատութենական աշխատանքը ամրապնդելու նշանակալից կէտ մը կը կազմէ:
Նախարարը երէկ իր հրաւիրած մամլոյ ասուլիսի ընթացքին նշեց. «Սկսանք ծրագիրին մէջ գոյութիւն ունեցող շարք մը կէտերը գործադրել»:
Միւս կողմէ, Հաժժար շեշտեց, որ ներքին գործոց եւ քաղաքապետութիւններու հարցերու նախարարութիւնը «անդադար կ՛աշխատի ընտրական հոլովոյթը ճշդուած ժամկէտին կատարելու համար»: