Իսրայելի հատուկ նշանակության ուժերը հատել են Սիրիայի հետ սահմանը և «մաքրել են» Դարաա նահանգի երկու գյուղ, հաղորդում է Al Mayadeen-ը։
Հաղորդագրության համաձայն՝ իսրայելական զորքերը յոթ զրահապատ մեքենաներով ուղևորվել են Յարմուկ գետի ափին գտնվող Մասարտիա գյուղ, որտեղ տների խուզարկությունների ժամանակ ձերբակալել են արմատական խմբավորումներին պատկանելու մեջ կասկածվող երկու անձանց։
Մեկ այլ հատուկ նշանակության ջոկատ գործողություն է իրականացրել Սայսունում, փակելով գյուղ տանող ճանապարհները։
Հարևան Կունեյտրա նահանգում իսրայելական մեքենայացված պարեկային խմբեր են նկատվել Այն Զեյվանի տարածքում, որտեղ տեղադրվել են անցակետեր և ստուգվել են մեքենաներ։ Ձերբակալվել են մի քանի սիրիացի քաղաքացիներ, և նրանց ճշգրիտ թիվը պարզվում է։