Միացեալ Նահանգներու նախագահ Տանըլտ Թրամփ յայտնեց. «Անուղղակի կերպով պիտի մասնակցիմ Իրանի հարցով բանակցութիւններուն, եւ տեսնենք ի՛նչ պիտի պատահի»:
Ան նախագահական օդանաւին մէջ լրագրողներուն յայտնեց. «Իրանը վատ բանակցող է, կը յուսամ խելամիտ կ՛ըլլայ, եւ կը կարծեմ, թէ կ՛ուզէ համաձայնութեան հասնիլ»:
«Կը կարծեմ, թէ խաղաղութեան խորհուրդը պիտի շրջանցէ Կազան, եւ աշխարհի վրայ խաղաղութեան հաստատման վրայ պիտի աշխատի», նշեց Սպիտակ տան ղեկավարը:
«Իսրայէլ Կազայի մէջ արգիլուած շատ բաներ պիտի վերցնէ, եւ Միջին Արեւելքի մէջ խաղաղութիւն ունինք», ըսաւ ան` աւելցնելով. «Կ՛ուզենք, որ Կազայի Խաղաղութեան խորհուրդը յաջողի, եւ առիթ ունի բացարձակապէս կարեւորագոյն խորհուրդը ըլլալու»:
Պատասխանելով լրագրողի մը հարցումին` Թրամփ ըսաւ. «Սէուտական Արաբիոյ եւ Արաբական Միացեալ Էմիրութիւններու միջեւ վէճով չզբաղեցայ եւ կրնամ զայն դիւրութեամբ լուծել»: