ԱՄՆ Կոնգրեսի շենքի հարակից տարածքում ոստիկանությունը ձերբակալել է 18-ամյա երիտասարդի, որը իր հետ ունեցել է որսորդական հրացան։ Դեպքը տեղի է ունեցել Վաշինգտոնում՝ Կապիտոլիումի մոտ։
Կապիտոլիումի ոստիկանության պետ Մայքլ Սալիվանի փոխանցմամբ՝ երիտասարդը դուրս է եկել ավտոմեքենայից և զենքը ձեռքին սկսել վազել դեպի Կոնգրեսի շենք տանող արահետով։ Իրավապահները նկատել են նրան, երբ նա արդեն մոտեցել էր շենքին։
Ոստիկանության աշխատակիցները պահանջել են վայր դնել զենքը և պառկել գետնին։ Երիտասարդը ենթարկվել է հրահանգներին, որից հետո նրան անմիջապես բերման են ենթարկել։ Տուժածների կամ կրակոցների մասին տեղեկություն չի հաղորդվում։
Դեպքի դրդապատճառների վերաբերյալ մանրամասներ չեն հրապարակվել։ Կապիտոլիումի ոստիկանության ղեկավարը մամուլի ասուլիսի ընթացքում չի նշել, թե ինչու է երիտասարդը նման քայլի դիմել։
