ԱՄՆ վարչակազմը Իրանի հետ Ժնևում միջուկային հարցի շուրջ անուղղակի բանակցությունների երկրորդ փուլը համարում է արդյունավետ և ակնկալում է, որ Թեհրանը երկու շաբաթվա ընթացքում կներկայացնի մնացած հարցերի լուծման առաջարկներ։
Այս մասին X-ում հայտնել է ամերիկյան Axios պորտալի և իսրայելական Channel 12 հեռուստատեսության թղթակից Բարաք Ռավիդը։
«Իրանի հետ բանակցություններում առաջընթաց է գրանցվել, սակայն դեռ շատ մանրամասներ պետք է քննարկվեն։ Իրանցիները հայտարարել են, որ երկու շաբաթվա ընթացքում կներկայացնեն որոշ չլուծված հարցերի լուծման մանրամասն առաջարկներ», – մեջբերել է նա ամերիկացի պաշտոնյայի խոսքերը անուղղակի բանակցությունների երկրորդ փուլի արդյունքների մասին։