Փոփոխություններ և լրացումներ կկատարվեն Կառավարության համապատասխան որոշման մեջ

Iravaban.net-ը ուսումնասիրել է «Նորմատիվ իրավական ակտերի մասին» օրենքի 33-րդ և 34-րդ հոդվածների 1-ին մասերին համապատասխան հանրային քննարկման դրված «Հայաստանի Հանրապետության կառավարության 2024 թվականի հոկտեմբերի 3-ի N 1581-Ն որոշման մեջ փոփոխություններ և լրացումներ կատարելու մասին» նախագիծը:

Առաջարկվող կարգավորման նպատակը ՀՀ կառավարության ծրագրով պետության համար առաջնային և կարևորություն ունեցող ոլորտներում՝ ֆիզիկամաթեմատիկական, քիմիական, կենսաբանական, տեխնիկական, գյուղատնտեսական և բժշկական գիտություններ, ինչպես նաև բուհերի և գիտական կազմակերպությունների համապատասխան ամբիոնները ապահովելն է՝ անհրաժեշտ մասնագետներով:

Իրավական ակտում փոփոխություններ և լրացումներ կատարելու անհրաժեշտությունը բխում է «Մինչև 2026 թվականը կառուցվող, հիմնանորոգվող կամ վերակառուցվող 500 մանկապարտեզներ և նախակրթարաններ» ծրագրում ընդգրկված մանկապարտեզների և նախակրթարանների ցանկը համալրելու հանգամանքից, ինչը հնարավորություն կտա ծրագրի արդյունավետ իրականացման համար հստակ կարգավորել շինարարական աշխատանքների կարգն ու հաջորդականությունը:

Առաջարկվող փոփոխությունը

Նախագծով առաջարկվում է գործող կարգում կատարել լրացումներ՝ 490-րդ կետից հետո լրացնել նոր՝ 491-544 կետերով, որոնք արտացոլում են ծրագրում ընդգրկված մանկապարտեզների և նախակրթարանների ամբողջական ցանկը, ինչպես նաև տրամադրված շինարարական աշխատանքների՝ կառուցման, վերակառուցման և հիմնանորոգման չափորոշիչները:

491-544 կետերի բովանդակությունը՝



Իրավական ակտերի նախագծերի հրապարակման միասնական կայքից տեղեկանում ենք, որ գործող կարգում փոփոխություններ և լրացումներ կատարելու արդյունքում հստակեցվում է ցանկում ընդգրկված նախադպրոցական ուսումնական հաստատություններում շինարարական միջամտության անհրաժեշտությունը՝ հիմնվելով իրականացվող պարբերական ուսումնասիրությունների վրա, ինչպես նաև ցանկը համալրվում է նոր հաստատություններով՝ նպաստելով նախադպրոցական ծառայությունների հասանելիության ապահովման ծրագրի արդյունավետության բարձրացմանը: Նախադպրոցական կրթության վաղ հասանելիությունը էական ազդեցություն ունի սաների հետագա կրթական արդյունքների վրա. ինչպես ցույց են տալիս հետազոտությունները, լավագույն ազդեցությունը լինում է սաների՝ նախադպրոցական կրթության մեջ երեք և ավելի տարի ընդգրկված լինելու դեպքում: Նախադպրոցական կրթության հասանելիությունը կարող է նաև էական ազդեցություն ունենալ տնտեսական զարգացման տեսանկյունից՝ ստեղծելով ծնողների զբաղվածության բարենպաստ պայմաններ:  Բնակավայրերը կունենան ժամանակակից շենքային պայմաններ` ապահովված համապատասխան ենթակառուցվածքներով և գույքով, կբարելավվեն շենքերի և կոմունալ ենթակառուցվածքների ֆիզիկական վիճակը, կբարեկարգվեն բակային տարածքները: Գյուղական բնակավայրերի հաստատությունները կարող են  ընդլայնել իրենց նշանակությունը՝ գործելով իբրև համայնքային կենտրոն՝ ապահովելով բնակավայրի մշակութային, մարզական, ժամանցային միջավայրերն ու ենթակառուցվածքները։ Կրթական գործընթացի կազմակերպման արդյունավետության տեսանկյունից կարող են գործել կրթահամալիրներ, որտեղ իրականացվելու են նաև նախադպրոցական կրթական ծրագրեր։

Իրավական ակտերի մշակման գործընթացը կարգավորվում է պետության կողմից, իսկ դրա իրականացման ֆինանսավորումն ապահովվում է պետական բյուջեի և սուբվենցիոն ծրագրերի միջոցով: Ներգրավված մարմինների՝ ՀՀ կրթության, գիտության, մշակույթի և սպորտի նախարարության և ՀՀ տարածքային կառավարման ենթակառուցվածքների նախարարության համագործակցությունը ապահովում է իրավական ակտերի բազմակողմանի մշակումը և դրանց համապատասխանությունը կրթական, գիտական, մշակութային և տարածքային կառավարման պահանջները: