Խորհրդարանի փոխնախագահ Էլիաս Պու Սաապ նշեց, որ ընտրական օրէնքին մէջ բաց գոյութիւն ունի, պէտք է լիբանանցի ժողովուրդին նկատմամբ անկեղծ գտնուինք, եւ բոլոր տեղի ունեցողները խոչընդոտներ են, իսկ լուծումը միատեղուիլ ու փոխհասկացողութիւն գոյացնելն է:
Խորհրդարանի փոխնախագահը «Էմ.Թի.Վի.» պատկերասփիւռի կայանին հետ զրոյցի ընթացքին նշեց. «Ընտրութիւնները չեն կրնար կայանալ գոյութիւն ունեցող խոչընդոտներով, եւ քաղաքական ուժերէն ոչ մէկը կը յանդգնի ըսել` «եկէ՛ք (խորհրդարանի նստաշրջանը) երկարաձգենք»:
«Լուծումը քաղաքական փոխադարձ հասկացողութեան մէջ է: Ընտրական օրէնքը բոլոր լիբանանցիներուն կը վերաբերի, եւ պէտք է Թաէֆի սահմանադրութիւնը ամբողջութեամբ գործադրենք»: