ԱՄՆ նախագահ Դոնալդ Թրամփը կարող է դադարեցնել իր վարչակազմի մասնակցությունը Ուկրաինայի հակամարտության կարգավորմանը առաջիկա շաբաթներին՝ 2026 թվականի Կոնգրեսի միջանկյալ ընտրությունների մոտենալուն պես։ Այդ մասին ասվում է The Atlantic ամսագրի հոդվածում։
«Ուկրաինացիները զգացին, որ ժամանակը սուղ է։ Առաջիկա շաբաթներին, երբ նախընտրական արշավը ավելի ու ավելի կկլանի Թրամփի ուշադրությունը, նա կարող է որոշել, որ բանակցությունները քաղաքական առումով իր համար վնասաբեր են։ Այդ դեպքում նա կարող է հեռանալ գործընթացից՝ դիվանագիտության ձախողման պատասխանատվությունը բարդելով կողմերից մեկի կամ երկուսի անհամաձայնության վրա»,-գրում է պարբերականը։
ԱՄՆ-ում միջանկյալ ընտրությունները տեղի կունենան նոյեմբերի 3-ին։ Դրանք կներառեն Սենատի մեկ երրորդի և Ներկայացուցիչների պալատի ամբողջ կազմի վերընտրություն։ Այս ընտրությունների ընթացքում «Դեմոկրատական կուսակցությունը» հույս ունի վերականգնել Կոնգրեսի վերահսկողությունը։