ԵՄ-ն թույլ չի տալիս Կիևի ռեժիմին գնալ որևէ փոխզիջման, ճեպազրույցի ժամանակ ասել է ՌԴ ԱԳ խոսնակ Մարիա Զախարովան։
«ԵՄ արտաքին գործերի և անվտանգության քաղաքականության բարձր ներկայացուցչի մտադրությունը՝ Մոսկվայի համար պատրաստել «պայմանների փաթեթ», առանց որոնց Եվրամիությունը չի սատարի Ուկրաինայում խաղաղությանը, հերթական անգամ հաստատում է եվրոբյուրոկրատիայի նպատակաուղղվածությունը՝ ամեն կերպ թույլ չտալ հակամարտության դադարեցումը։
Այն բանի ակնհայտ ընդունման փոխարեն, որ իրենք տարիներ շարունակ կեղծել են խաղաղ կարգավորմանն ուղղված ջանքերը, մենք նրանցից լսում ենք նոր պահանջների մասին»,- ասել է Զախարովան։