Ռուսաստանը ակնկալում է Հայաստանի հետ համագործակցության շարունակականություն Եվրասիական տնտեսական միության (ԵԱՏՄ) շրջանակներում:
Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը։
«Մեզ և Հայաստանին միավորում են ինտեգրացիոն նախագծերը՝ Եվրասիական տնտեսական միությունը (ԵԱՏՄ): Դժվար թե որևէ մեկը վիճարկի ԵԱՏՄ-ի դերը երկրի տնտեսական զարգացման բարձր տեմպերի պահպանման գործում: Այս դերը ակնհայտ է: Եվ մենք հույս ունենք, որ մեր համագործակցությունը կշարունակվի», – լրագրողներին ասել է Պեսկովը՝ մեկնաբանելով ԱՄՆ փոխնախագահ Ջ.Դ. Վենսի Հարավային Կովկաս կատարած այցը։
ԱՄՆ փոխնախագահը Բաքու է ժամանել երեքշաբթի օրը՝ Երևան այցելելուց հետո: Փետրվարի 10-ին նա բանակցություններ է վարել Ադրբեջանի նախագահ Իլհամ Ալիևի հետ, որի արդյունքում երկու երկրների կառավարությունների միջև ստորագրվել է ռազմավարական գործընկերության փաստաթուղթ: