Opta վերլուծական ընկերության սուպերհամակարգիչը գնահատել է Անգլիայի Պրեմիեր լիգայի ընթացիկ մրցաշրջանի չեմպիոնական մրցավազքի ֆավորիտների շանսերը։
Ըստ կանխատեսումների՝ տիտղոսի գլխավոր հավակնորդը Լոնդոնի «Արսենալն» է, որի չեմպիոնության հավանականությունը գնահատվում է 91,41%։
Երկրորդ տեղում գործող չեմպիոն «Մանչեսթեր Սիթին» է, որի շանսերը կազմում են 7,09%: Հիմնական հավակնորդների եռյակը եզրափակում է բիրմինգհեմյան «Ասթոն Վիլան»՝ 1,36%:
Հիշեցնենք, որ ԱՊԼ-ի մրցաշարային աղյուսակը միանձնյա գլխավորում է «Արսենալը»։ Միկել Արտետայի գլխավորած թիմը 6 միավորով գերազանցում է երկրորդ տեղում ընթացող «Մանչեսթեր Սիթիին»։
Լավագույն եռյակը եզրափակում է «Ասթոն Վիլան» 47 միավորով, իսկ չորրորդ հորիզոնականում «Մանչեսթեր Յունայթեդն» է, որն ունի 44 միավոր: