Iravaban.net-ը ուսումնասիրել է Բարձրագույն դատական խորհրդի ԲԴԽ-13-Ո-13 որոշումը, որով Երևան քաղաքի առաջին ատյանի ընդհանուր իրավասության քաղաքացիական դատարանի դատավոր Սարգիս Արմենակյանին, Վարչական դատարանի դատավորներ Կարեն Զարիկյանին, Արթուր Ծատուրյանին և Լիլիթ Սադոյանին բաշխվելիք գործերի համար սահմանվել է առանձին տոկոսաչափեր։
Որոշման հիմքերը և բովանդակությունը
Բարձրագույն դատական խորհուրդը որոշումը կայացրել է՝ քննարկելով Երևան քաղաքի առաջին ատյանի ընդհանուր իրավասության քաղաքացիական դատարանի նախագահ Սարգիս Արմենակյանի, Վարչական դատարանի դատավորներ Կարեն Զարիկյանի, Արթուր Ծատուրյանի և Լիլիթ Սադոյանի աշխատանքային ծանրաբեռնվածության վերաբերյալ գրությունները։
Որոշումը կայացվել է ղեկավարվելով «Հայաստանի Հանրապետության դատական օրենսգիրք» սահմանադրական օրենքի 42-րդ հոդվածի 2-րդ մասի և 94-րդ հոդվածի 1-ին մասի համաձայն։
Որոշման բովանդակությունը և կիրառման ժամկետները
Ըստ ԲԴԽ որոշման՝
- Սարգիս Արմենակյան (դատարանի նախագահ) – բաշխվելիք գործերի համար հավասարաչափ բաշխման չափանիշներից սահմանել 90%-ի չափով նվազեցման տոկոսաչափ (ներառյալ՝ «Հայաստանի Հանրապետության դատական օրենսգիրք» սահմանադրական օրենքի 45-րդ հոդվածի 1-ին մասի 5-րդ ենթակետով նախատեսված 35%-ի չափով նվազեցման տոկոսաչափը)։ Ժամկետը՝ 2026 թվականի փետրվարի 10-ից օգոստոսի 10-ը ներառյալ:
- Կարեն Զարիկյան – բաշխվելիք գործերի համար հավասարաչափ բաշխման չափանիշներից սահմանել 60%-ի չափով նվազեցման տոկոսաչափ (ներառյալ՝ «Հայաստանի Հանրապետության դատական օրենսգիրք» սահմանադրական օրենքի 45-րդ հոդվածի 1-ին մասի 4-րդ ենթակետով նախատեսված 30%-ի չափով նվազեցման տոկոսաչափը)։ Ժամկետը՝ 2026 թվականի փետրվարի 10-ից մարտի 6-ը ներառյալ:
- Լիլիթ Սադոյան – բաշխվելիք գործերի համար հավասարաչափ բաշխման չափանիշներից սահմանել 30%-ի չափով նվազեցման տոկոսաչափ։ Ժամկետը՝ 2026 թվականի փետրվարի 10-ից մարտի 6-ը ներառյալ։
- Արթուր Ծատուրյան – բաշխվելիք գործերի համար հավասարաչափ բաշխման չափանիշներից սահմանել 50%-ի չափով նվազեցման տոկոսաչափ։ Ժամկետը՝ 2026 թվականի փետրվարի 10-ից ապրիլի 2-ը ներառյալ:
Որոշման ուժի մեջ մտնելը
Որոշումն ուժի մեջ է մտնում հրապարակմանը հաջորդող օրվանից, այսինքն՝ 2026 թվականի փետրվարի 10-ից։ Որոշումը ստորագրել է ԲԴԽ նախագահ Արթուր Աթաբեկյանը։