2026 թվականի փետրվարի 9-ին Առողջության համընդհանուր ապահովագրության հիմնադրամի և «Ինգո Արմենիա», «ԷՖԵՍ», «Լիգա Ինշուրանս» և «Սիլ Ինշուրանս» ապահովագրական ընկերությունների միջև համագործակցության հուշագրի ստորագրման արարողությունը։
Հուշագրի շրջանակում կողմերը համագործակցում են առողջության համընդհանուր ապահովագրության համակարգի զարգացման և առողջապահական ծառայությունների որակի բարձրացման ուղղությամբ՝ պարբերաբար փոխանակելով տեղեկատվություն և քննարկելով ընդհանուր հետաքրքրություն ներկայացնող հարցեր։ Համագործակցությունը միտված է շահառուների սպասարկման գործընթացների և ծառայությունների հասանելիության բարելավմանը, տվյալների անվտանգ և ժամանակին փոխանակմանը, ինչպես նաև համատեղ նախաձեռնությունների իրականացմանը՝ փորձի և լավագույն գործելակերպերի փոխանակման միջոցով։ Iravaban.net-ը տեղեկանում է Առողջապահության նախարարությունից։
Կողմերը կարևորում են պետական և մասնավոր հատվածների համագործակցությունը՝ որպես առողջապահական համակարգի համալիր զարգացման, ծառայությունների որակի բարձրացման, ապահովագրված անձանց սպասարկման որակի բարելավման և քաղաքացիների սոցիալական պաշտպանվածության ամրապնդման արդյունավետ գործիք։