ԱՄՆ նախագահի հատուկ բանագնաց Սթիվ Ուիտկոֆը Աբու Դաբիում Ուկրաինայի հակամարտության խաղաղ կարգավորման վերաբերյալ կայացած խորհրդակցությունները որակել է որպես կառուցողական։
«Փետրվարի 4-ին և 5-ին Միացյալ Նահանգների, Ուկրաինայի և Ռուսաստանի Դաշնության պատվիրակությունները Աբու Դաբիում անցկացրեցին երկրորդ եռակողմ հանդիպումը՝ Ուկրաինայում հակամարտության դադարեցման ջանքերի շրջանակներում։ Բանակցությունները կառուցողական էին և կենտրոնացած էին երկարատև խաղաղության համար պայմաններ ստեղծելու վրա», – գրել է Ուիտկոֆը X-ում։
Նա նշել է, որ պատվիրակությունները համաձայնության են եկել, որի համաձայն Ռուսաստանի Դաշնությունն ու Ուկրաինան ազատ կարձակեն 157 ռազմագերի։ Սա վերջին հինգ ամիսների ընթացքում առաջին փոխանակումն է։
Միացյալ Նահանգներն ու Ռուսաստանը նաև համաձայնել են հաստատել ռազմական երկխոսություն, որը կգլխավորի ԱՄՆ Եվրոպական հրամանատարության հրամանատար գեներալ Ալեքսուս Գրինկևիչը։
Readout of Trilateral Peace Talks Hosted by the United Arab Emirates
Over February 4 and 5, delegations from the United States, Ukraine, and the Russian Federation met for the second trilateral meeting in Abu Dhabi to advance efforts to end the war in Ukraine. The discussions…
— Special Envoy Steve Witkoff (@SEPeaceMissions) February 5, 2026