Ծննդյան հարյուրամյակի կապակցությամբ Հյուսիսային Կորեայի բնակչուհի Օհ Գում Սունը նվեր է ստացել «տոնական սեղան», որն իրեն ուղարկել է երկրի առաջնորդ Կիմ Չեն Ընը, հայտնում է Կորեայի կենտրոնական հեռագրական գործակալությունը (KCNA):
Կինը ապրում է Հարավային Համգյոն նահանգի Գեումյա շրջանի Չոին գյուղում։
«Շրջկուսակցական կոմիտեի ղեկավարները և համագյուղացիները շնորհավորել են կնոջը և իրենց ուրախությունը կիսել նրա ընտանիքի անդամների հետ»,- ասվում է հաղորդագրության մեջ։
Ուղերձի կորեերեն տարբերակում պարզաբանվում է, որ խոսքը «տոնական սեղանի» մասին է, այսինքն՝ այն ապրանքների, որոնք ԿԺԴՀ առաջնորդն ուղարկել է կնոջը՝ խնջույք կազմակերպելու համար։