«Բարսելոնայի» մարզչական շտաբն սկսել է առավել մեծ ուշադրություն դարձնել խաղացողների հանգստին և ֆիզիկական վերականգնմանը։
Ինչպես հաղորդում է Mundo Deportivo-ն, ընթացիկ մրցաշրջանում կատալոնական ակումբը աշխատանքի է հրավիրել քնի մասնագետի, որպեսզի օգնի ֆուտբոլիստներին հնարավորինս արդյունավետ վերականգնվել ինտենսիվ մարզումներից և հանդիպումներից հետո։
Նշվում է, որ քնի մասնագետի դերը հատկապես կարևոր է նախամրցաշրջանային հավաքների ժամանակ ժամային գոտիների փոփոխության, ինչպես նաև արտագնա խաղերից ուշ վերադառնալու պատճառով։
Նաև ակումբում հատուկ ուշադրություն է դարձվում սննդակարգին․ ֆուտբոլիստներն այժմ նախաճաշում են մարզաբազայում, ինչպես նաև հնարավորություն ունեն սնունդը տանել իրենց հետ։