Թաիլանդի հարավում հանգստացող զբոսաշրջիկները պատահաբար հայտնվել են տեղացի բնակչի հուղարկավորությանը՝ այն շփոթելով սննդի փառատոնի հետ։ Այս մասին հայտնել է The Bangkok Post-ը։
Մի քանի օտարերկրյա զբոսաշրջիկներ մտել են դահլիճ, որտեղ անցկացվում էր հուղարկավորության արարողությունը՝ միջոցառումը շփոթելով գաստրոնոմիկ փառատոնի հետ։ Գիտակցելով իրենց սխալը՝ նրանք ներողություն են խնդրել և պատրաստվել են հեռանալ։ Սակայն ընտանիքի անդամները պնդել են, որ հյուրերը կիսեն իրենց հետ ճաշը։ Զբոսաշրջիկներին առատաձեռնորեն հյուրասիրել են անվճար ճաշով։ Հետագայում պարզվել է, որ զբոսաշրջիկների երկրորդ խումբը նույն սխալն է թույլ տվել և նրանց նույնպես ընդունել են ջերմությամբ:
Ինչպես նշում է թերթը, այս պատմությունը լայն ուշադրության է արժանացել սոցիալական ցանցերում։ Այս արարքը համարվել է թաիլանդական հյուրընկալության վառ օրինակ։