Ռուսաստանի նախագահ Վլադիմիր Պուտինը Չինաստանի նախագահ Սի Ծինփինի հետ քննարկել է ուկրաինական հակամարտության խաղաղ կարգավորման հարցը։ Այս մասին հայտնել է Ռուսաստանի նախագահի օգնական Յուրի Ուշակովը։
Ըստ Ուշակովի՝ կողմերը կենտրոնացել են ամենահրատապ միջազգային հարցերի վրա․
«Լուրջ ուշադրություն են դարձվել ամենահրատապ միջազգային խնդիրներին, հատկապես՝ հիմա, երբ աշխարհի մի շարք տարածաշրջաններում ստեղծվել են ծայրահեղ լարված և պայթյունավտանգ իրավիճակներ», – հավելել է Ուշակովը։ Կողմերը քննարկել են նաև Իրանի շուրջ ստեղծված իրավիճակը։
Հիշեցնենք, որ Պուտինը և Սի Ծինփինը այսօր տեսակոնֆերանս են անցկացրել, որը անցել է փակ ձևաչափով։ Հանդիպումը տևել է 1.5 ժամ։