ԱՄՆ-ն պլանավորում է Վենեսուելայում նավթի արդյունահանման համար ընդհանուր լիցենզիա տրամադրել, հաղորդում է Bloomberg-ը՝ հղում անելով աղբյուրներին։
Bloomberg-ի փոխանցմամբ՝ ԱՄՆ ֆինանսների նախարարությունը կարող է համապատասխան փաստաթուղթը հրապարակել արդեն այս շաբաթ։ Գործակալությունը նշում է, որ այս քայլը նպատակ ունի խրախուսել ԱՄՆ-ի հետ կապված ընկերություններին ավելացնել նավթի արդյունահանումը Բոլիվարյան Հանրապետությունում։
Հունվարի վերջին ԱՄՆ իշխանությունները թույլատրեցին ամերիկյան ընկերությունների կողմից Վենեսուելայի նավթարդյունաբերության հետ որոշակի գործարքներ, այդ թվում՝ Վենեսուելայի պետական նավթային PDVSA ընկերության հետ կապվածները։ Լիցենզիայում նշվում է, որ նման բոլոր գործարքները պետք է կարգավորվեն ԱՄՆ օրենսդրությամբ, և դրանց վերաբերյալ ցանկացած վեճ պետք է լուծվի ԱՄՆ-ում։