Ֆուտբոլի միջազգային ֆեդերացիայի նախագահ Ջանի Ինֆանտինոն ակնարկել է, որ առաջիկայում Ռուսաստանի հավաքականները կվերադառնան միջազգային ասպարեզ։
«Պարտավոր ենք դիտարկել Ռուսաստանի նկատմամբ արգելքի վերացումը։ Այդ արգելքը ոչինչ չտվեց, միայն հիասթափություն և ատելություն առաջացրեց։ Ռուսաստանի տղաների և աղջիկների համար Եվրոպայի այլ երկրներում ֆուտբոլ խաղալու հնարավորությունը միայն օգուտ կտար։
Պետք է կանոնադրությունում ամրագրել, որ քաղաքական պատճառներով ոչ մի երկրի չի կարելի արգելել խաղալ ֆուտբոլ»,- Ինֆանտինոյի խոսքերը մեջբերում է Sky News-ը։
Հիշեցնենք, որ արդեն 4 տարի Ռուսաստանի հավաքականներն ու ակումբները զրկված են միջազգային պաշտոնական մրցումներին մասնակցելու իրավունքից Ուկրաինայում՝ ՌԴ զինված ուժերի պատերազմական գործողությունների պատճառով։