3 փետրվարի 2026 – 12:55 AMT
PanARMENIAN.Net – Միջազգային համաշխարհային խաղերի ասոցիացիան (IWGA) հրապարակել է 2025 թվականի համաշխարհային խաղերի լավագույն մարզիկի պաշտոնական արդյունքները:
Սամբո մարզաձևում Արման Ավանեսյանը (Հայաստան) զբաղեցրել է վեցերորդ տեղը՝ հավաքելով 15,439 ձայն, ինչը ցույց է տալիս միջազգային սամբոյի համայնքի աջակցությունը մրցույթի ամբողջ ընթացքում, հայտնում է Հայաստանի սամբոյի ֆեդերացիան։
Մրցույթի մեդալակիրներն են՝
- Ոսկի – Վիկտորիա Չավես (Մեքսիկա), Դրոշակային ֆուտբոլ
- Արծաթ – Մարիուս Անդրեյ Բալան և Քրիստինա Մոշենսկա (Գերմանիա), Պարային սպորտ
- Բրոնզ – Լաուրա Բուրգոս (Մեքսիկա), Մուայթայ
«Սամբոյի միջազգային ֆեդերացիան և Հայաստանի սամբոյի ֆեդերացիան իր խորին շնորհակալությունն է հայտնում Սամբոյի մեծ ընտանիքի բոլոր անդամներին, ովքեր աջակցել են մեր մարզիկին և քվեարկել նրա օգտին ամբողջ մրցույթի ընթացքում: Ձեր նվիրվածությունն ու աջակցությունը ցույց են տվել համաշխարհային Սամբոյի համայնքի ուժն ու միասնությունը միջազգային ասպարեզում»,- ասվում է գրառման մեջ: