«Քահանայական ձեռնադրության 10-րդ տարեդարձ։
2016թ. փետրվարի 2-ին, Միածնաէջ Մայր Տաճարում հոգևոր եղբայրներիս հետ արժանացանք քահանայական ձեռնադրության և օծման՝ ձեռամբ Արագածոտնի թեմի բարեջան առաջնորդ Գերաշնորհ Տ. Մկրտիչ եպիսկոպոս Պռոշյանի։
Աղոթում եմ, որ Տերը զորացնի մեր հոգևոր ծնողին` Մկրտիչ Սրբազան Հորը, ով ներկայում ժամանակավոր անազատության մեջ է, սակայն անսասան է իր հայրական և առաջնորդական կոչման մեջ։ Թող հաղթի արդարությունը և անցնեն բոլոր փորձությունները և, Տիրոջ ողորմությամբ, մեր հոգևոր ծնող Սրբազան Հայրը քաջառողջությամբ վերադառնա իր լիարժեք սպասավորությանը` առաջնորդելու իրեն վստահված հավատավոր հոտին։
Ուժ-կարողություն եմ մաղթում և անդադար աղոթակից եմ Արագածոտնի Թեմի` կոչմանը և ուխտին հավատարիմ քահանա եղբայրներիս, որոնք մեր ձեռնադրության օրը սպասավորում էին Սուրբ Սեղանին։
Տերը զորացնի բոլորիս մեր առաքելության մեջ` ի պայծառություն Հայաստանյայց Առաքելական մեր Սուրբ Եկեղեցու»։
Տեր Վաղարշ քահանա
Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը: