ՑԱՀԱԼ-ի Գլխավոր շտաբի պետ Էյալ Զամիրը Իրանի շուրջ լարվածության աճի ֆոնին դիմել է իսրայելական բանակի զինծառայողներին՝ հայտարարելով, որ բանակը բարձրացնում է իր մարտական պատրաստվածությունը։ Նրա խոսքով՝ ՑԱՀԱԼ-ը պետք է ամրապնդի պաշտպանական դիրքերը և պատրաստ լինի շարունակական հարձակողական գործողությունների բոլոր ռազմաճակատներում՝ բազմաճակատ պատերազմի հնարավոր սցենարի պայմաններում։ Այս մասին հաղորդում է Cursorinfo-ն։
Միևնույն ժամանակ Զամիրը վերջին օրերին ԱՄՆ-ում անցկացրել է մի շարք հանդիպումներ ամերիկյան պաշտոնյաների հետ, որոնց ընթացքում քննարկվել են Իրանի հետ հնարավոր սրման դեպքում տարածաշրջանում գործողությունների համակարգումն ու Իսրայելի պաշտպանական միջոցառումները։ ԱՄՆ-ը, իր հերթին, ուժեղացնում է ռազմական ներկայությունը Մերձավոր Արևելքում՝ աջակցելով դաշնակիցների պաշտպանական կարողությունների բարձրացմանը։