Հույզեր, էմոցիաներ, քաղաքական կոչեր, սկանդալային զգեստներ. կայացել է «Գրեմմի» մրցանակաբաշխությունը. լուսանկար

Փետրվարի 1-ի լույս 2-ի գիշերը Լոս Անջելեսի Crypto.com Arena-ում ընթացել է «Գրեմմի» մրցանակաբաշխությունը՝ տարվա առաջատար երաժշտական իրադարձությունը:

68-րդ անգամ արտիստները հավաքվել են՝ մեծարելու ոլորտի ամենատաղանդավոր ներկայացուցիչներին, այս տարվա արարողությանը ներկա էին իսկապես աստղային մարդիկ:

Վերջին տարիներին Գրեմմի մրցանակաբաշխությունը լի էր ռասսայական և սեռական խտրականության հետ կապված վեճերով, սակայն կազմակերպիչներին հաջողվել է բոյկոտները նվազագույնի հասցնել:

Քենդրիկ Լամարը այս տարի գլխավորել է անվանակարգերի ցանկը, հաջորդել են Լեդի Գագան և Circut-ը, Ջեք Անտոնոֆը նույնպես հայտնի է դարձել:

Երկար ժամանակ հայտնի լինելով որպես երգիչ և երաժշտական պրոդյուսեր բազմաթիվ միջազգային աստղերի համար և արդեն մի քանի Գրեմմի մրցանակի դափնեկիր, Անտոնոֆն այժմ վստահորեն ճիշտ ուղու վրա է՝ իր հավաքածուն ավելի շատ հիթեր ավելացնելու համար։ Վերջերս Անտոնոֆն օգնում է իր աստղային հովանավորներին ստեղծել ավելի շատ հիթեր, և նրա հաջողության գաղտնիքը մասամբ կայանում է նրա հրաշալի մուսայի մեջ։

2023 թվականին նա գաղտնի ամուսնացել էր Հոլիվուդյան աստղ Մարգարետ Քուոլիի հետ. վերջինս Գրեմմի մրցանակաբաշխությանը ներկայացել է նրան աջակցելու սև Chanel զգեստով։

Մրցանակը ստանալու ժամանակ զգացմունքային քաղաքական ելույթ է ունեցել պուերտոռիկացի ռեփեր Բեդ Բաննին, ով «Գրեմմի» է ստացել ամենահեղինակավոր անվանակարգում՝ տարվա ալբոմի համար: 

Այս մրցանակը նրան բաժին է հասել «Debi Tirar Mas Fotos» ալբոմի համար, որը Լատինական Ամերիկայում հայտնի ռեգետոն ոճի ալբոմ է։ Նա իր ելույթում կոչ է արել չլինել հնազանդ, բողոքել ու բոյկոտել անարդարությունների դեմ:

Երգչուհի Բիլլի Այլիշը, ով «Գրեմմի» մրցանակի է արժանացել լավագույն երգի համար (Wildflower), նույնպես կոչ է արել բողոքել։

Ինչպես նշեցինք, այս տարվա «Գրեմմի»-ի դափնեկիր է դարձել 38-ամյա ռեփեր Քենդրիկ Լամարը, որբ այս անգամ ստացել է հինգ մրցանակ (առաջադրված լինելով ինը անվանակարգում՝ ամենամեծ թվով անվանակարգերն այս տարի):

Այսպիսով, նա դարձել է պատմության մեջ ամենատիտղոսակիր ռեփ երաժիշտը՝ գերազանցելով Jay-Z-ին։ Այժմ նա ունի ընդհանուր առմամբ 26 Գրեմմի մրցանակ:

Լեդի Գագան երկրորդն է անվանակարգերի քանակով (նա մրցանակների էր հավակնում յոթ անվանակարգում):

Նա արժանացել է «Գրեմմիի»՝ «Լավագույն փոփ վոկալ ալբոմ» («Mayhem»), «Լավագույն երգ», «Լավագույն պարային ձայնագրություն» («Abracadabra») և «Լավագույն ռեմիքս» անվանակարգերում:

Ներկայացնում ենք մի շարք աստղային լուսանկարներ տարվա ամենակարևոր երաժշտական իրադարձություններից մեկից:

«Հայկական Ժամանակ»-ը Telegram-ում