Իրանի գերագոյն հոգեւոր պետ այաթոլլա Ալի Խամենէի յայտարարած է, որ եթէ Միացեալ Նահանգներ յարձակին Իրանի վրայ, այդ քայլը պիտի վերածուի շրջանային հակամարտութեան: Այդ մասին կիրակի օր յայտնած են պետական լրատուամիջոցները` Ուաշինկթընի եւ Թեհրանի միջեւ լարուածութեան սրման լոյսին տակ:
Ան շեշտած է, որ Միացեալ Նահանգներու նախագահին սպառնալիքները չեն անհանգստացներ Իրանի ժողովուրդը: Ապա աւելցուցած է, որ Թեհրան չի ցանկար յարձակիլ որեւէ երկրի վրայ, բայց «Իրանի ժողովուրդը ուժեղ հարուած պիտի հասցնէ իւրաքանչիւրին, որ պիտի յարձակի իր վրայ»: