Իրանի Ազգային անվտանգության գերագույն խորհրդի քարտուղար Ալի Լարիջանին կապ է հաստատել մի շարք տարածաշրջանային երկրների, այդ թվում՝ Սաուդյան Արաբիայի, Կատարի և Արաբական Միացյալ Էմիրությունների պաշտոնյաների հետ և զգուշացրել, որ Թեհրանը կհարվածի այդ երկրներում ԱՄՆ դեսպանատներին, եթե Միացյալ Նահանգները հարձակվի Իրանի վրա:
Իրանի գերագույն առաջնորդի խորհրդական Ալի Շամխանին զգուշացրել է, որ Իսլամական Հանրապետությունը լիովին պատրաստ է կանխել ցանկացած սպառնալիք և կոշտ կարձագանքի թշնամական գործողություններին, այդ թվում՝ անհրաժեշտության դեպքում՝ Իսրայելի ներսում թիրախներին հարվածելով։
«Ցանկացած քայլ, որը վկայում է թշնամու կողմից թշնամական մտադրությունների մասին, կարժանանա համաչափ, արդյունավետ և զսպող պատասխանի», – Շամխանիի խոսքերն է մեջբերել լիբանանյան «Ալ Մայադին» հեռուստաալիքը։
«Այս համաչափ պատասխանը ներառում է սիոնիստական կազմավորման խորը հարվածներ», – հավելել է նա։
«Մենք բացահայտել ենք թշնամու օպերատիվ ծրագիրը, լիովին վերահսկում ենք իրավիճակը և համապատասխան պահին կհարվածենք այն կետերին, որոնք կխաթարեն այս ծրագիրը», – պնդել է Շամխանին։