Քաղաքականություն
30.01.2026 | 17:25
ՌԴ ԱԳՆ պաշտոնական ներկայացուցիչ Մարիա Զախարովան ամենշաբաթյա ճեպազրույցում անդրադարձել է Ռուսաստանին ուղղված ՀՀ վարչապետ Նիկոլ Փաշինյանի դիմումին՝ արագացնելու դեպի Թուրքիա և Ադրբեջան տանող երկաթուղիների վերականգնումը։
«Ռուսական կողմը կապի մեջ է հայ գործընկերների հետ, այդ թվում՝ կառավարության տնտեսական բլոկի։ Երևանի բոլոր դիմումներն օպերատիվ կերպով մշակվում են պրոֆիլային գերատեսչությունների կողմից։ Ինչ վերաբերում է «Թրամփի ուղուն», մենք հաստատում ենք նախագծին մեր միանալու հնարավոր տարբերակներն ուսումնասիրելու պատրաստակամությունը, այդ թվում՝ հաշվի առնելով «Ռուսական երկաթուղիներ»-ի յուրահատուկ փորձագիտությունը»,-հայտարարել է Զախարովան՝ հավելելով, որ պետք է ծանոթանալ նախագծի բոլոր մանրամասների՝ հետ։
Նա նաև նշել է, որ ուժի մեջ է մնում Մոսկվայի առաջարկը՝ Երևանի հետ խորհրդակցություններ անցկացնել բոլոր շահագրգիռ գերատեսչությունների մասնակցությամբ։
Թարգմանությունը՝ Էմմա Չոբանյանի