«Բարսելոնայի» եզրային հարձակվող Ռաֆինյա Դիասը համոզված է, որ 2025 թվականին հենց ինքն էր արժանի «Ոսկե գնդակ» մրցանակին։ Քվեարկության արդյունքներով բրազիլացին զբաղեցրել է հինգերորդ հորիզոնականը, իսկ հաղթող է ճանաչվել ՊՍԺ-ի հարձակվող Ուսման Դեմբելեն։
«Ես հիասթափված էի։ Ակնկալում էի տեղ գտնել առնվազն լավագույն եռյակում։ Ո՞ր հորիզոնականում կդնեի ինքս ինձ։ Առաջին։ Անհատական մրցանակը չպետք է կախված լինի միայն մեկ մրցաշարի արդյունքներից։
Հաշվի առնելով նվաճածս տիտղոսները, գրանցածս ցուցանիշները և թիմի հաջողություններում ունեցածս ներդրումը՝ կարծում եմ, որ արժանի էի հաղթանակի»,- Ռաֆինյայի խոսքերն է մեջբերում Sofascore-ը։