Արտաշատի համայնքապետարանը հայտարարություն է տարածել․
«Արտաշատ համայնքի սիրելի՛ ուսանողներ
Փետրվարի 2-ից մեկնարկում են ուսանողական անվճար երթուղիները՝ Արտաշատ քաղաքից և գյուղական բնակավայրերից դեպի Երևան և հակառակ ուղղությամբ։
Երթուղիների ժամերը
Դեպի Երևան՝ 07:30
Երևանից վերադարձ՝ 15:30
Երևանում բոլոր երթուղիների վերջնակետը՝ Գործարանային մետրո։
Ուսանողական երթուղիները կգործեն հետևյալ ուղղություններով․
Արտաշատ – Երևան–Արտաշատ (Շուկայի տարածք, թատրոնամերձ հրապարակ, լճի տարածք – Գործարանային մետրո)
Գյուղական բնակավայրերից Երևան և հետադարձ ուղղությամբ`
Նարեկ – Ոստան – Երևան
Քաղցրաշեն – Երևան
Այգեզարդ – Այգեպատ – Շահումյան – Երևան
Նորաշեն – Վերին Արտաշատ – Բերդիկ – Երևան
Դվին – Այգեստան – Երևան
Վարդաշեն – Գետազատ – Դեղձուտ – Երևան
Մրգանուշ – Կանաչուտ – Երևան
Մրգավան – Դալար – Բերքանուշ – Դիմիտրով – Երևան
Հնաբերդ – Բաղրամյան – Ազատավան – Երևան
Բուրաստան – Մասիս – Երևան
Բյուրավան – Նշավան – Երևան
Ջրաշեն – Դիտակ – Երևան
Արևշատ – Աբովյան – Լանջազատ – Բարձրաշեն – Երևան
Արաքսավան – Մխչյան – Երևան
Հովտաշեն – Մրգավետ – Երևան
Գյուղական բնակավայրերի ուսանողները մեկնումի հստակ կետը կարող են ճշտել իրենց վարչական կենտրոններից (գյուղապետարաններից)։
Ուշադրություն․ ավտոբուսներով կարող են երթևեկել միայն նախապես գրանցված և մեր կողմից տրամադրված ուսանողական կտրոններ ունեցող ուսանողները։
Կտրոնները կտրամադրվեն հունվարի 29–ին և 30–ին։
Արտաշատ քաղաքի ուսանողները կարող են մոտենալ Արտաշատի համայնքապետարան /1–ին հարկ, քաղաքացիների սպասարկման գրասենյակ/
Գյուղական բնակավայրերի ուսանողները՝ վարչական կենտրոններ (գյուղապետարաններ)»,- նշված է համայնքապետարանի հաղորդագրության մեջ։