Ուժեղ ձյան եւ սառնամանիքներով ուղեկցվող փոթորկի պատճառով արտակարգ դրություն է հայտարարվել 24 նահանգում։ Երկրի շուրջ մեկ միլիոն բնակիչ մնացել է առանց էլեկտրաէներգիայի, խափանվել է տրանսպորտային հաղորդակցությունը։
Արտակարգ դրություն հայտարարած նահանգների իշխանությունները նշել են, որ այդ քայլով նախապես պատրաստվում են փոթորկից հետո անխուսափելի դարձող հետեւանքների վերացման եւ վերականգնման լայնածավալ աշխատանքներին։
Օդերեւութաբանների կանխատեսմամբ՝ երկուշաբթի օրվանից ձյան տեղումները կդադարեն, որից հետո սպասվում է ուժեղ ցրտերի, սառցե անձրեւների եւ փոթորկոտ քամու ռեկորդային երկարատեւ շրջան։ Այս ամենը զգալիորեն բարդացնում է արտակարգ ծառայությունների աշխատանքը։
«Ձյունն ու թաց ձյունը կշարունակվի մինչեւ հաջող շաբաթ, կրկնակի սառցակալումը մակերեւույթը կդարձնեն սահուն, որը վտանգավոր է ինչպես վարորդների, այնպես էլ հետիոտների համար»,- հաղորդել է օդերեւութաբանական ազգային ծառայությունը։