Շատ կարևոր որոշում էր՝ տեսահսկման սարքեր տեղադրել մանկապարտեզներում․ այսօր գործակարգավարական նիստին ասաց Երևանի քաղաքապետ Տիգրան Ավինյանը։
«Կարծում եմ՝ մենք չպետք է սահմանափակվենք միայն 42 մանկապարտեզով։ Աշխատանքը պետք է շարունակենք ու ամբողջացնենք Երևանով»,- ասաց նա։
Այս որոշումը, ըստ նրա, շատ կարևոր էր։
«Այս որոշման արդյունքում մենք նաև կարողանում ենք հսկել և զգոն լինել, կանխարգելել վատ երևույթները։ Երեխաների նկատմամբ ոչ պատշաճ վերաբերմունքի դրսևորումները, կարելի է ասել, գրեթե բացառում ենք այս մեխանիզմով»,- ասաց Տիգրան Ավինյանը։