Եվրոպական Միությունը և Հնդկաստանը մոտ են ազատ առևտրի համաձայնագրի շուրջ բանակցությունների հաջող ավարտին, կիրակի օրը հայտարարել է առևտրի հարցերով եվրահանձնակատար Մարոշ Շեֆչովիչը։
«Ես կարող եմ վստահորեն ասել, որ մենք մոտենում ենք ազատ առևտրի համաձայնագրի շուրջ մեր բանակցությունների հաջող ավարտին», – սոցիալական ցանցերում գրել է Շեֆչովիչը, ով այժմ գտնվում է Հնդկաստանում՝ բանակցությունների համար։
Համաձայնագիրը նախատեսվում է ստորագրել հաջորդ շաբաթ։ Եվրոպական հանձնաժողովի նախագահ Ուրսուլա ֆոն դեր Լայենը հունվարին համաձայնագիրն անվանել էր «պատմականորեն աննախադեպ սպառողական ազդեցության առումով»։