Միացյալ Նահանգները կարող է ցամաքային հարվածներ հասցնել թմրավաճառական կարտելներին «ցանկացած վայրում», հայտարարել է ԱՄՆ նախագահ Դոնալդ Թրամփը։
«Մենք պատրաստվում ենք հարվածել կարտելներին։ Մենք գիտենք նրանց երթուղիները, մենք ամեն ինչ գիտենք նրանց մասին»,-ասել է նա New York Post թերթին տված հարցազրույցում։
Ամերիկյան առաջնորդին հարցրել են՝ արդյոք այդ հարվածները կարող են իրականացվել ցանկացած վայրում, ներառյալ՝ Մեքսիկայի, Վենեսուելայի և Կոլումբիայի տարածքները։
«Ամենուրեք»,-պատասխանել է Թրամփը։