Լիբանանի զինված ուժերն ամրապնդում են իրենց դիրքերը հարավային Լիբանանում՝ երկրի այդ հատվածում լարված իրավիճակի պատճառով, հինգշաբթի հաղորդում է LBCI հեռուստատեսությունը և ռադիոն։
Ըստ լիբանանյան հրամանատարության՝ ռազմական ներկայության ուժեղացման որոշումը բացատրվում է նրանով, որ «Իսրայելը շարունակում է խախտել հրադադարի համաձայնագիրը՝ հարձակվելով Լիբանանի ինքնիշխանության և նրա քաղաքացիների վրա»։
Միևնույն ժամանակ, բանակի հրամանատարությունը, համաձայնեցնելով Լիբանանում ՄԱԿ-ի ժամանակավոր ուժերի (UNIFIL) և Իսրայելի ու «Հըզբոլլահ» շարժման միջև հրադադարի համաձայնագրով ստեղծված կոմիտեի հետ, շարունակում է հետևել հրադադարի պահպանմանը։
Մինչդեռ, ինչպես հայտնում է The Times of Israel-ը, UNIFIL-ը հայտարարել է, որ իսրայելական զորքերը շարունակում են հարվածներ հասցնել Լիբանանի հարավում, և դա հակասում է ՄԱԿ-ի Անվտանգության խորհրդի 1701 բանաձևին։
Իր հերթին, իսրայելական զինվորականները հայտարարել են, որ կուսումնասիրեն UNIFIL-ի քննադատությունը, սակայն հրաժարվել են այլ մեկնաբանություններից: