Սամվել Կարապետյանի լուսանկարով պաստառները հանելու գործով Երեւանի քաղաքապետարանը պարտվում է. գործողությունները ճանաչվել են ոչ իրավաչափ

Երևանի քաղաքապետարանը դատարանում պարտվել է՝ Սամվել Կարապետյանի լուսանկարով պաստառները «Դալմա» մոլի տարածքից հեռացնելու գործով։

Փաստաբան Վարդան Ալոյանը «Փաստինֆո»-ի հետ զրույցում հայտնեց, որ դատարանը բավարարել է հայցադիմումը՝ ոչ իրավաչափ ճանաչելով քաղաքապետարանի գործողությունները։

Վճիռը, սակայն, օրինական ուժի մեջ դեռ չի մտել, հնարավոր է՝ քաղաքապետարանը բողոքարկի այն։

Եւս մեկ գործ Վարչական դատարանի վարույթում է, որով վիճարկվում է Սամվել Կարապետյանի լուսանկարով պաստառները հեռացնելու վերաբերյալ քաղաքապետարանի գործողությունների իրավաչափության հարցը։ Գործերից մեկը վերաբերում է Հյուսիսային պողոտայից պաստառների հեռացման դրվագին։ Այս դեպքով դատարանը վարույթ ընդունել է հայցը, սակայն այն դեռևս քննության փուլում է, դատական նիստը նշանակվել է մայիսին։