Հայաստանում այսօր և վաղը սպասվում է քամու ուժգնացում
ԵՐԵՎԱՆ, 23 հունվարի․/Նովոստի–Արմենիա/․ Հայաստանի առանձին հատվածներում դիտվում է քամու ուժգնացում, այսօր և վաղը կրկին սպասվում է քամու ուժգնացում՝ 17-20մ/վ արագությամբ։
Այս մասին հայտնում է ՀՀ ՇՄՆ Հիդրոօդերևութաբանության և մոնիթորինգի կենտրոնը։
«Ինչպես և կանխատեսվել էր, հունվարի 22-ից հանրապետության առանձին շրջաններում դիտվում է քամու ուժգնացում 15-18մ/վ արագությամբ, ինչով պայմանավորված որոշ հատվածներում դիտվում է նաև բուք։
Արդյունքում մի շարք ավտոճանապարհներ հայտնվել են անանցանելի վիճակում», – նշվում է հաղորդագրության մեջ։
Հունվարի 23-ի ցերեկը և 24-ին Արագածոտնի լեռնային շրջաններում, Լոռիի, Գեղարքունիքի, Սյունիքի առանձին հատվածներում կրկին սպասվում է քամու ուժգնացում՝ 17-20մ/վ արագությամբ։
