Իսրայէլի մէջ Միացեալ Նահանգներու դեսպան Մայք Հաքըպի յայտնեց, որ ինք վստահ է, թէ Ռաֆահի անցակէտը պիտի բացուի, եւ Իսրայէլ մօտ օրէն այդ առնչութեամբ որոշում մը պիտի տայ:
Հաքըպի նաեւ նախատեսեց, որ Խաղաղութեան խորհուրդին միացած պետութիւնները մասնակցին Կազայի վերաշինութեան:
Իսրայէլի մէջ Միացեալ Նահանգներու դեսպանը, պատասխանելով Իրանի վրայ յարձակումի մը շղթայազերծման կարելիութեան շուրջ հարցումի մը, նշեց. «Բոլոր ընտրանքները սեղանի վրայ են, եւ Թրամփ պիտի յարգէ իր խոստումը»:
Իրանի Յեղափոխական պահակագունդի հրամանատար զօր. Մոհամետ Փաքփուր երէկ յայտարարեց. «Մեր մատը բլթակին վրայ է, եւ կը զգուշացնենք Ամերիկան ու Իսրայէլը հաշիւի որեւէ սխալ գործելէ»: