ԵՄ գագաթնաժողովի մասնակիցները որոշել են վավերացնել ԱՄՆ եվրոպական բոլոր արտահանումների վրա 15% մաքսատուրքերի մասին համաձայնագիրը՝ ամերիկյան ներմուծման վրա զրոյական մաքսատուրքերի դիմաց, այն բանից հետո, երբ ԱՄՆ նախագահ Դոնալդ Թրամփը մերժեց Գրենլանդիայի պատճառով Եվրոպայի նկատմամբ նոր մաքսատուրքերը։
Այս մասին հայտարարել է Եվրոպական խորհրդի նախագահ Անտոնիո Կոշտան Գրենլանդիայի հարցով ԵՄ արտակարգ գագաթնաժողովից հետո կայացած մամուլի ասուլիսում։
«Մենք ԱՄՆ նախագահ Դոնալդ Թրամփի՝ ԵՄ երկրների նկատմամբ նոր մաքսատուրքեր չսահմանելու որոշումը համարում ենք ճիշտ ուղղությամբ արված քայլ։ Այս սակագները անհամատեղելի կլինեն ԵՄ-ԱՄՆ սակագնային համաձայնագրի հետ (որը կնքվել է Եվրահանձնաժողովի ղեկավարի և ԱՄՆ նախագահի կողմից անցյալ տարվա հուլիսին): Հետևաբար, մենք որոշեցինք արագացնել այս համաձայնագրի վավերացումը», -ասել է Կոշտան՝ նշելով, որ նպատակը պետք է լինի ԵՄ-ի և ԱՄՆ-ի միջև առևտրային հարաբերությունների կայունացումը։