Երկրի վրա երկու օրից ավելի տևած մագնիսական փոթորիկն ավարտվել է, հինգշաբթի օրը հայտնել են Ռուսաստանի գիտությունների ակադեմիայի Տիեզերական հետազոտությունների ինստիտուտի Արեգակնային աստղագիտության լաբորատորիան և Արեգակնային-երկրային ֆիզիկայի ինստիտուտը։
«2026 թվականի առաջին ուժեղ մագնիսական փոթորիկը, որը միաժամանակ դարձավ 21-րդ դարի ամենակարևոր իրադարձություններից մեկը, ավարտվել է», – ասվում է հայտարարության մեջ։
Գեոմագնիսական ինդեքսները կայունացել են Kp=3-4 մակարդակում, որը թույլ խախտված մագնիսոլորտի մակարդակ է։
«Արեգակը վերադարձել է իր բնականոն ընթացքին և ներկայումս գտնվում է չափավոր ակտիվության վիճակում», – հայտնել են գիտնականները։
Լաբորատորիայի տվյալներով՝ առաջիկա օրերին հնարավոր են բռնկումներ և չափավոր մագնիսական փոթորիկներ։