Ինչպե՞ս կարող է քաղաքացին դառնալ ՏԸՀ անդամ

1․ Ինչպե՞ս կարող եմ դիմել ընտրությունների անցկացման մասնագիտական դասընթացներին մասնակցելու համար։

    -Երկու եղանակով՝ առցանց․ գրանցումն իրականացվում է «Ես եմ» համակարգի միջոցով և թղթային․ դիմումները ներկայացվում են ԿԸՀ              կամ որևէ ԸԸՀ։

2․ Ովքե՞ր կարող են դիմել։

    -18 տարին լրացած, ընտրական իրավունք ունեցող ՀՀ քաղաքացիները։

3․ Եթե 2025 թվականին քաղաքացին մասնակցել է դասընթացին և ունի որակավորման վկայական, պե՞տք է մասնակցի։

    -Քաղաքացին ինքն է որոշում մասնակցել, թե ոչ։ Վկայականը երեք տարի ժամկետով գործում է։

4․ Ե՞րբ են լինելու տեխնիկական սարքավորման մասնագետների դասընթացներ։

     -Այս պահին նման դասընթաց նախատեսված չէ։

5․ Ինչպե՞ս կարող է քաղաքացին տեսնել վկայականն ուժի մեջ է, թե ոչ։

   -ԿԸՀ կայքի մասնագիտական դասընթացներ հատվածում կա որոնման հնարավորություն, այստեղ պետք է գրել քաղաքացու անուն                          ազգանունը և տեսնել վկայականը, թե մինչև երբ է ուժի մեջ քաղաքացու վկայականը։

6․ Ինչպե՞ս կարող է քաղաքացին դառնալ ՏԸՀ անդամ։

    -ՏԸՀ ձևավորելու իրավասությունը Ընտրական օրենսգիրք սահմանադրական օրենքը երկու սուբյեկտի է վերապահել՝ խորհրդարանում  խմբակցություն ունեցող կուսակցություններին և ԸԸՀ-ներին։ Հետևաբար որակավորման վկայական ունեցող քաղաքացիները, ովքեր ցանկանում են ընդգրկվել հանձնաժողովում, պետք է դիմեն վերոնշյալ սուբյեկտներին։